Ikastetxea errealitate oso bat da eta hezkuntza komunitate osoko kidez osatua. Gure lan taldeak ikastetxeko Normalkuntza programa garatzen du, eta horretarako aurten hausnarketa prozesua burutzen dihardu. Dokumentu honetan, lan taldeak normalkuntzako ibilbidetik, teorietatik eta bildutako datuetatik diagnosi-ebaluazioari eta ikastetxeko hobekuntza planari aportazioak egin nahi dizkiogu. Horretarako lehendabizi hizkuntza plangintzaren ikuspegi teorikoaren zertzelada batzuk aipatuko ditugu. Ondoren diagnosi-ebaluzioaren emaitzak irakurtzen ahaleginduko gara, ondoren hizkuntza gaitasuna deritzon emaitzak sakonki aztertzeko Branka eta gela-argazki deritzon diagnosi frogen emaitzen landuko ditugu eta ondoren hobekuntza planari begira jarriko gara.
DIAGNOSI-NORMALKUNTZA lotura2 osatzen ibili garen bitartean zalantza ugari izan ditugu, gure ezjakintasuna izan da oztoporik handiena. Zalantza batzuk argitu ditugu, beste batzuk ez, eta orain arte inork ez digu dokumentua zuzendu. Beraz, parka bitza irakurleak bertan aurkitutako zalantza, akats eta gaizki esandako guztiak. Gurea ikastetxeetako irakasleen hausnarketa eta sentsibilizazioa errazteko ahalegina da. Beste guztion iritziak dokumentua osatu eta hobetuko duelakoan gaude.
ISEI-IVEIren orrialdean 2009 eta 2010 ikasturteko ebaluazio diagnostikotik jasotako datuekin, EAEko datu guztien ikuspegia argitaratzen da 2010 Laburpen exekutiboa deritzon dokumentuan.
